धरै मानिसले नेपाली भाषा साहित्यप्रति सद्भाव नै देखाएका छन् : प्राडा कृष्णप्रसाद घिमिरे

त्रिभुवन विश्वविद्यालय (त्रिवि) नेपालको उच्च शिक्षा अध्यापन गराउने सबैभन्दा पुरानोमध्येको एक प्राज्ञिक थलो हो । त्रिवि नेपाली केन्द्रीय विभागमा नेपाली भाषा साहित्यबारे अध्ययन गर्न नेपाल, भारत, चीनलगायत विभिन्न मुलुकबाट विद्यार्थीहरू आउँछन् । तर विगत तीन वर्षदेखि कोभिड महामारीको असर विश्वविद्यालयमा पनि परेको छ ।


कोभिड, सेमेस्टर प्रणाली र अनिवार्य ८० प्रतिशत हाजिर हुनुपर्नेलगायत प्रावधानका कारण नेपाली भाषासाहित्य अध्ययन गर्ने विद्यार्थी सङ्ख्यामा कम हुँदै आएको देखिएको छ । नेपाली भाषासाहित्य अध्ययन गर्ने विद्यार्थी घट्नुका कारण, नियमित कक्षा तथा परीक्षा सञ्चालन कसरी हुँदैछ लगायत विषयमा नेपाली केन्द्रीय विभागका प्रमुख प्राध्यापक डाक्टर कृष्णप्रसाद घिमिरेसँग गरिएको कुराकानी :


–कोभिडको महामारीमा नेपाली केन्द्रीय विभागले अध्ययन अध्यापन कसरी सञ्चालन गरिरहेको छ ?


अहिले माघ १५ गतेसम्मलाई जाडो बिदा छ । त्यसपछि पनि सङ्क्रमण बढिरहे अनलाइनमा नै जान्छ । अनलाइनमार्फत अध्यापन हुने व्यवस्था हुन्छ, गर्नैपर्छ ।


–सबै प्राध्यापकहरू अनलाइन प्रविधिमा दक्ष हुनुहुन्छ कि त्यसका लागि तालिमको व्यवस्था गर्नुहुँदैछ ?


नेपाली विभागमा सैद्धान्तिक पढाइ बढी र प्रयोगात्मक कम हुने शिक्षण पद्धति भएकाले त्यति धेरै समस्या छैन । तर पनि अनलाइन प्राध्यापन प्रविधिबारे सबैलाई थाहा नहुन सक्छ । त्यसका लागि त्रिविको आईटी शाखाले विभिन्न विभागका शिक्षक तथा विद्यार्थीहरूलाई अनलाइन कक्षा सञ्चालनबारे सूचना नै प्रकाशन गरेर निरन्तर तालिम दिइराखेको छ । स्नातकोत्तर तहका दोस्रो, तेस्रो र चौथो सेमेस्टरका विद्यार्थीले तालिम लिसकेका छन्  । हामी पनि सहभागी भइसकेका छौँ । त्यसैले तुरुन्तै कक्षा सञ्चालन गर्न शिक्षकहरूलाई तालिमको आवश्यकता पर्दैन । कोही छुटफुट भएका शिक्षक तथा विद्यार्थीलाई आवश्यक पर्यो भने त्रिविले व्यवस्था गर्छ ।


सेमेस्टर प्रणाली लागू भएर नै घटेको त होइन । पहिले स्नातकोत्तर तहको अध्ययन थोरै ठाउँमा हुन्थ्यो । अहिले धेरै ठाउँमा हुन्छ । काठमाडौँ उपत्यकामा मात्र कीर्तिपुर, सरस्वती, त्रिचन्द्र, रत्नराज्य, पाटन, भक्तपुर, पशुपति क्याम्पस लगायत ७, ८ स्थानमा पढाइ हुन्छ ।

श्रोत रातोपाटी

प्रतिक्रिया